ADU-NUN ƏMƏKDAŞI BEYNƏLXALQ ELMİ SEMİNARDA İŞTİRAK EDİB

Dekabrın 18-də Azərbaycan Dillər Universitetinin Şeyx Zayed adına Ərəb dili Auditoriyasının müdiri, azərbaycanlı alim Ülviyyə Hüseynova Minskdə Birləşmiş Millətlər Təşkilatı (BMT) tərəfindən onlayn formatda təsis olunmuş Minsk Dövlət Linqvistik Universiteti tərəfindən keçirilən elmi seminarda iştirak edib.

O, 18 dekabr – Ərəb Dili Gününə həsr olunan “Ərəb dili və mədəniyyəti: ənənələr və müasirlik” adlı elmi seminarda “Azərbaycanda ərəb dilinin tədrisi tarixi” mövzusunda çıxış edib.

Azərbaycanlı alim çıxışında ərəb dilinin Azərbaycanda tədris ənənələrinin qədim dövrlərə dayandığını, bu dilin həm dini, həm də elmi-mədəni irs baxımından xüsusi əhəmiyyət daşıdığını vurğulayıb. Həmçinin, o, müasir dövrdə ərəb dilinin tədrisi sahəsində mövcud vəziyyət və perspektivlər barədə də fikirlərini bölüşüb.

Dəyirmi masada müxtəlif ölkələrdən gələn akademiklər, tədqiqatçılar və tələbələr ərəb dilinin qlobal səviyyədəki rolu ilə bağlı müzakirələr aparıblar.

Tədbir beynəlxalq elmi əməkdaşlıq və mədəniyyətlərarası dialoqun inkişafına töhfə verib.