AR ETN Botanika İnstitutu və Pakistanın Karaçi şəhərindən Dr. Panjwani Molekulyar Tibb və Dərman Tədqiqatları Mərkəzi, H.E.J. Tədqiqat Kimya İnstitutu, Beynəlxalq Kimya və Biologiya Elmləri Mərkəzi və Lahor şəhərindən Molekulyar Biologiya və Biokimya İnstitutunun əməkdaşlarının (Yusifova Y., tul-Wahab A., Choudhary M.I., Siddiqui M., Khan N., Atif M., Zafar H., Ibadullayeva S.I., Aghayeva D.N.) birgə səyi nəticəsində Azərbaycanda meşə ağaclarında bitən Laetiporus sulphureus (Bull.) Murrill göbələk kulturalarından əldə edilən ikinci metabolitlər və onların döş xərçəngi dərmanı eksemestanının biotransformasiyası üçün katalizator kimi istifadə imkanları öyrənilmiş və nəticələr istinad əmsalı 4.3 və İmpact faktoru 2.4 olan “STEROIDS” jurnalında dərc olunmuşdur. Məlumdur ki, hazırda bəzi göbələklər dadına və müxtəlif vacib vitaminlərin, mineralların və ikincil metabolitlərin mövcudluğuna görə aşağı kalorili qida əlavələri kimi istifadə olunur. Eyni zamanda onların bəziləri müalicəvi əhəmiyyətə malikdir və ənənəvi tibbdə istifadə olunur.

Məqalədə əks olunan tədqiqat işində göbələk hüceyrələri üzvi birləşmələrin törəmələrinin alınması üçün biokatalizator kimi istifadə edilmiş və nəticə olaraq (1) L. sulphureus göbələyindən 3β-hidroksi-24-metilenelanost-8-en-21-oik turşusu ayrılmış, (2) göbələyin hüceyrə kulturası döş xərçəngi dərmanı olan eksemestanın yeni metabolitə biotransformasiyası üçün istifadə edilmiş və beləliklə (3)18-hidroksi-6-metilen-androsta1,4-dien-3,17-dion yeni metaboliti əldə edilmişdir.

Tədqiqat işində iki maddə müxtəlif xromatoqrafik üsullardan istifadə edilərək təmizlənmiş, 1D- və 2D-NMR, HREI-MS və IR-spektroskopik üsulların köməyi ilə strukturları müəyyən edilmişdir. Maddə 1 steroidal skeletə malik olub yeni çevrilmə ilə alınan digər məhsulu (aromatazı) inhibə etmə potensialına görə qiymətləndirilmişdir. Aromataz estrogen biosintezində mühüm rol oynayır ki, bu da onun inhibəsini estrogen reseptor-pozitiv (ER+) döş xərçənginin müalicəsi üçün əsas terapevtik strategiyaya çevirir.

AR ETN Botanika İnstitutunun Mikologiya və ibtidai bitkilər şöbəsinin müdiri, biologiya elmləri doktoru Dilzarə Ağayeva və İsveçrə Meşə, Qar və Landşaft Federal Tədqiqatlar İnstitutunun Meşə Sağlamlığı və Biotik Qarşılıqlı Əlaqələr şöbəsinin müdiri Dr. Simone Prosperonun rəhbərliyi ilə İsveçrə Elm Fondunun maliyyələşdirdiyi üçillik layihə üzrə işlər davam edir. May ayında layihənin isveçrəli iştirakçılarından olan elmi işçi Dr. Karolina Korneco və PostDok Luiz Ever Vega Gabrera Botanika İnstitutunun qonağı olublar.

İnstitutun baş direktoru, biologiya elmləri doktoru, professor Səyyarə İbadullayeva qonaqlarla görüşüb, İnstitutun fəaliyyət istiqamətləri və yerinə yetirilən işlər barədə geniş məlumat verilib, müxtəlif məsələlər üzrə fikir mübadiləsi aparılıb. İnstitutun rəhbərliyinin səyi nəticəsində laboratoriyalar vacib avadanlıqlar və vəsaitlərlə təchiz edilib. Layihə iştirakçıları plana əsasən birinci il üzrə müəyyənləşdirilmiş məqsəd və vəzifələri geniş müzakirə edib və üç həftə ərzində müəyyən birgə işlər yerinə yetiriblər.

Layihənin məqsədi Azərbaycanın bir sıra meşələrində ağaclarla əlaqəli göbələklərin və oomisetlərin monitorinqini aparmaqdan ibarətdir. Müxtəlif iqlim və torpaq tipləri ilə seçilən ərazilərdə bitən bir sıra ağaclardan və torpaqlardan protokola uyğun nümunələr toplanılıb, növbəti mərhələlərdə onların klassik və müasir bioloji yanaşmalarla tədqiqi planlaşdırılır. Bu elmi məqsədlərlə yanaşı, Azərbaycanda mikoloji tədqiqatların səviyyəsini yaxşılaşdırmaq üçün yeni laboratoriyanın qurulması və gənc tədqiqatçılardan kiçik elmi işçi Xədicə Apbayeva və böyük laborant Turanə Həsənlinin mikologiya sahəsində “nou-hau” və texniki bacarıqlarının əhəmiyyətli dərəcədə artırılması nəzərdə tutulur.

Azərbaycan Dövlət Neft və Sənaye Universiteti (ADNSU) elm və təhsildə müasir tələblərə cavab verən, innovativ düşüncəli və yüksək ixtisaslı kadrların pedaqoji və elmi fəaliyyətə cəlb olunması məqsədilə vakant professor-müəllim vəzifələri üzrə müddətli əmək müqaviləsi əsasında işə qəbul elan edir. 

Müvafiq vakant vəzifələr aşağıdakılardır:

Tələblər:

• Elmi-pedaqoji və ya istehsalat təcrübəsinə, (müəllim üçün minimum magistr təhsilli) müvafiq elmi ad və dərəcələrə malik olan şəxslər müraciət edə bilər;
• Pedaqoji qabiliyyət;
• Tədrisin təşkili üzrə bacarıqlar;
• Tədris texnologiyalarından istifadə bacarığı;
• Akademik səviyyədə tədris dilini (azərbaycan, rus və ya ingilis dili) bilmək;
• Yüksək peşə-ixtisas təcrübəsi;
• Vəzifənin etik davranış qaydalarına sadiqlik.

Müraciət edən namizədlərdən aşağıdakı sənədlər tələb olunur:

• Akademik CV —(yüklə)
• Diplomların notariat qaydasında təsdiq olunmuş surəti.

Müraciət tarixləri:

16 may 2025-ci il tarixindən 16 iyun 2025-ci il tarixinədək.

Əlaqə telefonu: +994515163042