Azərbaycan Respublikasının Prezidenti yanında Ali Attestasiya Komissiyası Rəyasət Heyətinin 29 sentyabr 2020-ci il tarixli qərarı ilə təsdiq edilmiş “Fəlsəfə doktoru imtahanlarının keçirilmə Qaydası”na uyğun olaraq, Dövlət İmtahan Mərkəzi 2026-cı il yanvarın 29-dək doktorantura, dissertantura və adyunkturada təhsil alan və ya təhsilini bitirmiş iddiaçıların xarici dil üzrə, həmçinin əcnəbilərin və vətəndaşlığı olmayan şəxslərin Azərbaycan dili üzrə fəlsəfə doktoru imtahanlarında iştirak etmələri üçün qeydiyyat elan edir.

Bu müddət ərzində Azərbaycan Respublikasının ali təhsil müəssisələrində, elmi müəssisə və təşkilatlarında doktorantura və ya dissertanturada, həmçinin hərbi təhsil müəssisələrində adyunkturada təhsil alan və ya təhsilini bitirmiş iddiaçılar DİM-in internet saytında (http://ekabinet.dim.gov.az) “Şəxsi kabinet«in yaradılması və istifadə qaydası”na müvafiq olaraq “Şəxsi kabinet” yaratmalı və xarici dil üzrə, əcnəbilər və vətəndaşlığı olmayan şəxslər isə Azərbaycan dili üzrə fəlsəfə doktoru imtahanında iştirak etmək üçün qeydiyyatdan keçməlidirlər.

Fəlsəfə doktoru imtahanlarının verilməsi iddiaçının dissertasiya müdafiəsinə buraxılması üçün mütləq şərtdir. Xarici dil üzrə, habelə əcnəbi və vətəndaşlığı olmayan iddiaçılar üçün Azərbaycan dili üzrə fəlsəfə doktoru imtahanı Dövlət İmtahan Mərkəzi (DİM) tərəfindən keçirilir. İmtahanda iştirak ödənişlidir. İddiaçılar ekabinet.dim.gov.az internet səhifəsində “Şəxsi kabinet” yaratdıqdan sonra həmin kabinetin pul hesabına yuxarıda qeyd edilən imtahanların birində iştirak üçün tələb olunan 110 (yüz on) manat məbləğində pul vəsaitini əlavə etməlidirlər. İddiaçılar ərizələrini təsdiq edərkən onların şəxsi kabinetinin pul hesabından tələb olunan məbləğ (110 (yüz on)) silinir. Əcnəbi və vətəndaşlığı olmayan iddiaçılar həm xarici dil, həm də Azərbaycan dili imtahanında iştirak etmək istədikləri təqdirdə, hər imtahanda iştirak etmək üçün 110 (yüz on) manat ödəməlidirlər.

Xarici dillər, həmçinin Azərbaycan dili üzrə fəlsəfə doktoru imtahanı xarici dildən doktoranturaya qəbul imtahanı ilə təxminən eyni məzmun və strukturda (dinləyib-anlama, oxuyub-anlama, dildən istifadə (leksik-qrammatik tapşırıqlar), yazı və danışıq bloklarından ibarət olmaqla keçirilir. Proqramlarla aşağıdakı keçidlərdən tanış ola bilərsiniz:

Xarici dillər üzrə fəlsəfə doktoru imtahanı proqramları (Azərbaycan dilində, rus dilində); 

Azərbaycan dili üzrə fəlsəfə doktoru imtahanı proqramı.

Fəlsəfə doktoru imtahanlarının nəticələri həmin imtahanların verildiyi tarixdən dissertasiyanın ilkin müzakirəsinədək beş il müddətində etibarlı sayılır. Xarici dil, həmçinin əcnəbi və vətəndaşlığı olmayan iddiaçılar üçün Azərbaycan dili üzrə fəlsəfə doktoru imtahanını uğurla vermiş (xarici dil üzrə fəlsəfə doktoru imtahanından ən azı 30 bal, əcnəbilər üçün Azərbaycan dili imtahanından isə ən azı 25 bal toplamış) iddiaçılara Ali Attestasiya Komissiyasının müəyyən etdiyi formada həmin imtahanda onların göstərdikləri nəticəni özündə əks etdirən, fəlsəfə doktoru dissertasiyasının ilkin müzakirəsinədək beş il müddətində etibarlı sayılan şəhadətnamə verilir.

İddiaçının xarici dil, habelə əcnəbi və vətəndaşlığı olmayan iddiaçılar üçün Azərbaycan dili üzrə fəlsəfə doktoru imtahanının nəticəsi “qeyri-kafi” qiymətləndirildikdə ona şəhadətnamə verilmir.

Xarici dillər üzrə fəlsəfə doktoru imtahanı 2026-cı il fevralın 15-də, əcnəbilər üçün Azərbaycan dili üzrə fəlsəfə doktoru imtahanının isə fevralın 16-da keçirilməsi nəzərdə tutulur. Danışıq bloku üzrə imtahanın isə 19 fevral 2026-cı il tarixində keçirilməsi planlaşdırılır.

Hörmətli tələbələr, magistrantlar, doktorantlar və müəllimlər!
Pedaqoq.az platforması kiçik bir yaradıcılıq müsabiqəsi elan edir. Şərtlərimiz çox sadədir: 500 hərfdən ibarət hekayə yazmaq. Siz öz dünyagörüşünüzə, həyat fəlsəfənizə və fantaziyanıza güvənərək istədiyiniz mövzuda maraqlı bir hekayə ərsəyə gətirə bilərsiniz.

Hekayə indiyədək heç bir yerdə çap olunamamalı və hekayə müəllifinin intellektual məhsulu olmalıdır.

Hekayələr əvvəlcə jüri tərəfindən ələnib seçiləcəkdir. Seçilmiş hekayələr açıq səsverməyə çıxarılacaqdır. Ən çox səs toplayan 3 hekayə I, II və III yer olmaqla qalib elan olunacaqdır.

Hekayələrinizi www.pedaqoq.az@gmail.com poçt ünvanımıza mətn şəklində göndərməlisiniz. Həcm az olduğuna görə, Word proqramda yazmağa ehtiyac yoxdur. Əmin olmalısınız ki, mətndəki hərflərin sayı beş yüzü aşmasın. Lakin ad və soyadınızı, mobil telefon nömrənizi və təhsil aldığınız (işlədiyiniz) müəssisənin adını mütləq göstərməlisiniz.

Hekayələrin son qəbul tarixi 22.01.2026-cı ildir.

Qaliblərə qiymətli hədiyyələr veriləcək və hekayələri platformamızda dərc olunacaq. Qaliblər arzu edərsə, onlar barədə məlumatlar da paylaşılacaq və təhsil müəssisələrinə təşəkkür məktubu göndərciləcəkdir.

Bütün iştirakçılara uğurlar arzulayırıq.

Pedaqoq.az redaksiyası

Azərbaycan Dövlət Neft və Sənaye Universiteti (ADNSU) elm və təhsildə müasir tələblərə cavab verən, innovativ düşüncəli və yüksək ixtisaslı kadrların pedaqoji və elmi fəaliyyətə cəlb olunması məqsədilə vakant professor-müəllim vəzifələri üzrə müddətli əmək müqaviləsi əsasında işə qəbul elan edir. 

Müvafiq vakant vəzifələr aşağıdakılardır:

Sıra №	Kafedra	Vakant vəzifə
		Professor	Dosent	Müəllim
1	Sənayenin iqtisadiyyatı kafedrası	1	4	8
2	Menecment kafedrası	—	4	5
3	Xarici dillər kafedrası	—	1	37
4	Elektronika və avtomatika kafedrası	2	12	16
5	Kompüter mühəndisliyi kafedrası	—	15	23
6	Cihaz mühəndisliyi kafedrası	—	3	10
7	Ümumi və tətbiqi riyaziyyat kafedrası	5	9	5
8	Elektroenergetika kafedrası	—	3	6
9	Elektromexanika kafedrası	—	5	5
10	Enerji istehsalı texnologiyaları kafedrası	—	6	2
11	Fizika kafedrası	—	10	—
12	Sənaye maşınları kafedrası	1	4	12
13	Materialşünaslıq və emal texnologiyaları kafedrası	—	3	4
14	Mexanika kafedrası	—	2	3
15	Kimya və qeyri-kimya maddələrinin texnologiyası kafedrası	1	1	2
16	Üzvi maddələr və yüksək molekullu birləşmələrin texnologiyası kafedrası	3	8	10
17	Neft-kimya texnologiyası və sənaye ekologiyası kafedrası	1	6	8
18	Humanitar fənnlər kafedrası	—	4	9
19	Neftin, qazın nəqli və saxlanması kafedrası	—	6	7
20	Neft-qaz mühəndisliyi kafedrası	—	16	10
21	Sənaye təhlükəsizliyi və əmək mühafizəsi kafedrası	—	3	8
22	Neft-qaz geologiyası kafedrası	—	4	2
23	Geofizika kafedrası	1	2	1
24	Faydalı qazıntı yataqlarının geologiyası və işlənməsi kafedrası	—	2	4
Elan edilən vakant vəzifələrin cəmi		15	133	197

Tələblər:

• Elmi-pedaqoji və ya istehsalat təcrübəsinə, (müəllim üçün minimum magistr təhsilli) müvafiq elmi ad və dərəcələrə malik olan şəxslər müraciət edə bilər;
• Pedaqoji qabiliyyət;
• Tədrisin təşkili üzrə bacarıqlar;
• Tədris texnologiyalarından istifadə bacarığı;
• Akademik səviyyədə tədris dilini (azərbaycan, rus və ya ingilis dili) bilmək;
• Yüksək peşə-ixtisas təcrübəsi;
• Vəzifənin etik davranış qaydalarına sadiqlik.

Müraciət edən namizədlərdən aşağıdakı sənədlər tələb olunur:

• Akademik CV —(yüklə)
• Diplomların notariat qaydasında təsdiq olunmuş surəti.

Müraciət tarixləri:

16 may 2025-ci il tarixindən 16 iyun 2025-ci il tarixinədək.

Əlaqə telefonu: +994515163042

Müsаbiqədə iştirаk еtmək istəyənlər sənədlərini Azərbaycan Respublikası Təhsil Nazirinin 07.08.1996-cı il tarixli, 401 saylı əmri ilə təsdiq edilmiş “Ali təhsil müəssisələrində professor-müəllim vəzifələrinin tutulması qaydaları” və Azərbaycan Respublikası Təhsil Nazirliyi kollegiyasının 15 noyabr 2017-ci il tarixli 5/5 nömrəli qərarı ilə təsdiq edilmiş “Аli təhsil müəssisələrində kаfеdrа müdiri, dekan və dekan müavini vəzifələrinin tutulmаsı qаydаlаrı”nın tələblərinə uyğun bu elan qəzеtdə dərc оlunduğu gündən 30 gün kеçənədək rektorun adına yazılmış ərizə ilə birlikdə aşağıdakı ünvana göndərə bilərlər.

№	Fakültə və kafedranın adı	Vəsifə/dərəcə
1.	Fransız dilinin fonetikası və qrammatikası kafedrası	kafedra müdiri
2.	İngilis dilinin üslubiyyatı kafedrası	professor – 1
3.	Linqvokulturologiya kafedrası	dosent – 2
4.	İngilis dilinin leksikologiyası kafedrası	dosent – 1
5.	İngilis dilinin tədrisi metodikası kafedrası	baş müəllim – 1
6.	Qərb ölkələri üzrə regionşünaslıq kafedrası	dosent – 1
7.	Şərq ölkələri üzrə regionşünaslıq kafedrası	müəllim – 0,5
8.	Beynəlxalq münasibətlər kafedrası	dosent – 1
9.	Azərbaycan dilçiliyi kafedrası	dosent – 0,5 baş müəllim – 1
10.	Xarici ölkələr ədəbiyyatı kafedrası	baş müəllim – 1
11.	Pedaqogika kafedrası	dosent – 0,5 baş müəllim – 1

29 yanvar 2025—ci il tarixində saat 10.00—da Azərbaycan Dillər Universitetinin  İngilis dilinin fonetikasıkafedrasının  5708.01 -German dilləri ixtisasının elmlər doktoru proqramı üzrə sabiq dissertantı Səbinə Elxan qızı Poladovanın “Аллофоническое варьирование смычно-взрывных фонем  современного английского языка (экспериментально-фонетическое исследование)”mövzusunda təqdim etdiyi dissertasiyasının ilkin müzakirəsi keçiriləcəkdir.

Dissertasiya ilə İngilis dilinin fonetikası kafedrasında tanış olmaq olar.

Dövlət İmtahan Mərkəzi (DIM) növbəti tədris ili üçün ali təhsil müəssisələrinin magistraturalarına qəbul imtahanına hazırlaşan bakalavrların qeydiyyatını 2025-ci ilin yanvar-fevral aylarında keçirməyi planlaşdırır.

“Pedaqoq.az” xəbər verir ki, DİM bu barədə məlumat yayaraq bildirirb ki, əvvəlki illərdə məzun olan bakalavrlar imtahana qeydiyyat zamanı bəzi hallarda təhsil məlumatlarının “Tələbə-məzun” bazasında olmaması və ya qeyri-dəqiq olması halları ilə rastlaşırlar. Belə olduqda həmin bakalavrlar sistemdə qeydiyyatdan keçə bilmirlər və məlumatların daxil edilməsini təmin etmək üçün vaxt itkisi ilə üzləşirlər. Hətta bəzən qeydiyyat müddətində bunu həyata keçirməyi çatdırmırlar. Bununla bağlı DİM-in elektron poçtuna çoxsaylı müraciətlər daxil olur.

DİM Qeyd olunanları nəzərə alaraq əvvəlki illərdə məzun olan və qəbul imtahanına vaxtında və uğurla qeydiyyatdan keçmək istəyən bakalavrlara tövsiyə edir ki, indidən ali təhsil haqqında məlumatlarını “MyGov.az” portalına daxil olaraq “Təhsil məlumatlarım” bölməsində yoxlasınlar. Təhsil (diplom) haqqında məlumat aşkar olunmadıqda və ya məlumatlarda qeyri-dəqiqlik üzə çıxdıqda bitirdiyiniz ali təhsil müəssisəsinə, ali təhsil müəssisəsi artıq mövcud deyilsə, Elm və Təhsil Nazirliyinə müraciət etmək lazımdır ki, sistemdə müvafiq düzəliş və ya əlavələr edilsin.

Xarici dövlətlərdə təhsilini başa vurmuş Azərbaycan Respublikasının vətəndaşı olan bakalavrlar isə təhsil məlumatlarını linkə daxil olmaqla yoxlamalıdırlar. Məlumat aşkar olunmadıqda Elm və Təhsil Nazirliyinin Təhsildə Keyfiyyətin Təminatı Agentliyinə müraciət edilməsi tövsiyə olunur.

Bu məlumatlar indidən yoxlanılımalıdır ki, qəbul imtahanına qeydiyyat elan olunduqda çətinliklər yaşanmasın.

Məktəbəqədər və Ümumi Təhsil üzrə Dövlət Agentliyi (MÜTDA) Azərbaycan Dövlət Pedaqoji Universitetinin Strateji İnkişaf Mərkəzi (ADPU SİM) ilə birgə “Məktəbəqədər təhsildə liderlik” proqramına sənəd qəbulu elan edir.
Proqram müasir çağırışlara cavab verən məktəbəqədər təhsil müəssisələri (MTM) idarəçilərinin və liderlərinin hazırlanmasını hədəfləyir. Proqramda iştirak ödənişsizdir.

Proqramda iştirak üçün tələblər:
— Pedaqoji sahədə ali təhsil;
— Dövlət və ya özəl məktəbəqədər təhsil müəssisəsində ən azı 3 il iş təcrübəsi;

İştirakçıların seçimi 3 mərhələdə (elektron sənəd qəbulu, test və müsahibə)
həyata keçiriləcək.

1 ay (60 saat) davam edəcək proqram ərzində MTM heyətinin idarə edilməsi, təlim-tərbiyə prosesinin təşkili və idarə edilməsi,  MTM-də daxili keyfiyyət sisteminin qurulması, sənədlərlə iş, MTM-in idarə olunması və liderlik, sağlamlıq, təhlükəsizlik və rifah mövzularında həftəiçi beş gün olmaqla təlimlər keçiriləcək. Proqram üzrə dərslərin  Bakı və Sumqayıt şəhərləri, Abşeron rayonundan olan
iştirakçılar üçün əyani, digər şəhər və rayondan olan iştirakçılar üçün isə əsasən onlayn olmaqla hibrid formada təşkil olunması planlaşdırılır.

Proqramda iştirak etmək istəyən şəxslər 10 oktyabr 2024-cü il tarixinədək qeydiyyatdan keçə bilərlər:
Qeydiyyat linki: https://forms.office.com/r/6X307PQaKi
Əlavə məlumat üçün mtm.idarecileri@adpu.edu.az elektron poçt ünvanına yaza bilərsiniz.

Azərbaycan Respublikasının Təhsil İnstitutu müəllimlər üçün perspektiv (illik), gündəlik və layihə işi üzrə planlaşdırma nümunələri hazırlayıb. Pedaqoq.az həmin nümunələri təqdim edir:
 

Gündəlik planlaşdırma nümunəsi 1

Gündəlik planlaşdırma nümunəsi 2

Layihə işi üzrə planlaşdırma nümunəsi

Perspektiv (illik) planlaşdırma nümunəsi

Tələbələrin köçürülməsi üçün sənəd qəbulunun müddəti 1 avqust, saat 18:00-a qədər uzadılıb.

Bu barədə «Pedaqoq.az» jurnalına Elm və Ali Təhsil üzrə Dövlət Agentliyindən məlumat verilib.

Bildirilib ki, həmin tarixədək təhsil müəssisəsini, ixtisasını və ya təhsilalma formasını dəyişmək istəyən tələbələr portalda qeydiyyatdan keçərək “şəxsi kabinet” yaratdıqdan sonra, istifadəçi adı və şifrədən istifadə etməklə “Ali və orta ixtisas təhsili pilləsində təhsilalanların köçürülməsi” xidmətinə daxil olub, köçürülmək üçün elektron müraciət formasını doldurub təsdiq edə bilərlər.

Qeyd edilib ki, köçürülmə üçün müraciət edən tələbələrin məlumatları təhsil müəssisələri tərəfindən yoxlanılır və müraciətin statusu barədə şəxsi kabinetə bildiriş göndərilir. Bu səbəbdən müraciətçilərə şəxsi kabinetini mütəmadi olaraq izləmək tövsiyə olunur.

2024-2025-ci tədris ilində Bakı Mühəndislik Universitetinin magistratura səviyyəsinə qəbul olunan bakalavrların nəzərinə!

Bakı Mühəndislik Universitetinin (BMU) magistratura səviyyəsinə qəbul olunan bakalavrlar 9–22 iyul tarixlərində https://portal.edu.az/ platformasında qeydiyyatdan keçərək yaradılmış kabinetə daxil olduqdan sonra təqdim edilən xidmətlərdən “Ali və orta ixtisas təhsili müəssisələrinə təhsilalanların qeydiyyatı”nı seçməlidirlər.  Bakalavrlar tələb olunan sənədləri sistemə yüklədikdən sonra aşağıda göstərilən sənədləri BMU-ya gətirməklə müqavilə bağlayaraq universitetin elektron sisteminə giriş üçün şəxsi kabinet məlumatlarını əldə etməlidirlər:

Müəyyən olunmuş müddətdə qeydiyyatdan keçməmək bakalavrın müvafiq ixtisaslaşmaya yerləşdirilmədən imtina etməsi kimi qiymətləndiriləcək və onun qəbulu haqqında əmr Dövlət İmtahan Mərkəzi (DİM) tərəfindən ali məktəbə göndərilməyəcək.

1.   Diplomun notarial qaydada təsdiq edilmiş surəti (bakalavr təhsilini əvvəlki illərdə bitirənlər) – 1 nüsxə;

2.   Cari ilin məzunları tərəfindən universiteti bitirdikləri haqqında arayış – 1 nüsxə;

3.   Şəxsiyyət vəsiqəsinin surəti -1 nüsxə;

4.   3×4 ölçüdə rəngli fotoşəkil — 4 ədəd;

5.   Hərbi biletin və hərbi xidmətdə olmayanlar üçün çağırışçı vəsiqəsinin (ağ bilet) surəti (bütün səhifələrin surətini çıxarmaqla) – 1 nüsxə;

6.   Ödəniş qəbzinin (ödənişli əsaslarla təhsil alanlar üçün) surəti – 1 nüsxə;

7.   Müqavilə BMU-nun  Magistratura və doktorantura şöbəsində rəsmiləşdirilir;

İmtiyazlı (təhsil haqları dövlət vəsaiti hesabına ödəniləcək) bakalavrlar tərəfindən əlavə olaraq tələb olunan sənədlər:

1.   “Məcburi köçkün” statusu olan tələbələr.

—      Bakalavrın məcburi köçkün vəsiqəsinin notarial qaydada təsdiq edilmiş surəti (2024-cü ilin möhürü ilə);

2.   Azərbaycan Respublikasının ərazi bütövlüyünün, müstəqilliyinin və Konstitusiya quruluşunun müdafiəsi zamanı əlil olmuş və Azərbaycan Respublikasının azadlığı, suverenliyi və ərazi bütövlüyü uğrunda həlak olan, hərbi əməliyyatla əlaqədar itkin düşən və məhkəmə tərəfindən ölmüş elan edilən vətəndaşların uşaqları.

—  Valideynin Azərbaycan Respublikasının azadlığı, suverenliyi və ərazi bütövlüyü uğrunda həlak olmasını, əlil olmasını, hərbi əməliyyatla əlaqədar itkin düşməsini və məhkəmə tərəfindən ölmüş elan edilməsini təsdiq edən sənədin (elektron sistemdən çıxarış) notarial qaydada təsdiq edilmiş surəti və əlilliyi olan valideynin şəxsiyyət vəsiqəsinin surəti;

—      Bakalavrın doğum haqqında şəhadətnaməsinin notarial qaydada təsdiq edilmiş surəti.

3.   “Şəhid ailəsi” statusunu almış ailənin üzvləri.

—      Ailə üzvünün şəhid olmasını təsdiq edən sənədin (ölüm haqqında şəhadətnamə) notarial qaydada təsdiq edilmiş surəti;

—      Bakalavrın doğum haqqında şəhadətnaməsinin notarial qaydada təsdiq edilmiş surəti;

—      Bakalavrın şəhid ailəsi üzvü olduğunu təsdiq edən vəsiqənin notarial qaydada təsdiq edilmiş surəti.

Qeyd: «Şəhid adının əbədiləşdirilməsi və şəhid ailələrinə edilən güzəştlər haqqında» AR qanununun 1-ci maddəsinə əsasən şəhid ailəsinin üzvləri hesab edilən şəxslər bunlardır:

Peşə təhsili, orta ixtisas təhsili,ali təhsil müəssisələrində və müvafiq icra hakimiyyəti orqanının müəyyən etdiyi elmi təşkilatın magistratura səviyyəsində təhsil alanlar (Ər-arvad, valideyn, övladları, qardaşlar və bacılar) isə həmin təhsil müəssisələrini və elmi təşkilatın magistratura səviyyəsini bitirənədək (ən çoxu 23 yaşına çatanadək);

4.   Hər iki valideyni vəfat etmiş; bir valideyni vəfat etmiş və digər valideyni orqanizmin funksiyalarının 61-80 faiz və ya 81-100 faiz pozulmasına görə əlilliyi müəyyən edilmiş; valideyn himayəsindən məhrum olmuş uşaqların arasından olan 23 yaşadək şəxslər (övladlığa götürüldükdə belə) 

—      Valideynlərinin vəfat etdiyini təsdiq edən sənədin notarial qaydada təsdiq edilmiş surəti;

—    Valideynlərdən birinin vəfat etdiyini təsdiq edən sənədin, digər valideynin isə I yaxud II dərəcə əlil olduğunu təsdiq edən sənədin (elektron sistemdən çıxarış) notarial qaydada təsdiq edilmiş surəti;

—      Valideynin şəxsiyyət vəsiqəsinin surəti;

—      Bakalavrın doğum haqqında şəhadətnaməsinin notarial qaydada təsdiq edilmiş surəti.

5.   Orqanizmin funksiyalarının 61-80 və ya 81-100 faiz pozulmasına görə əlilliyi müəyyən edilmiş şəxslər.

—      Bakalavrın əlilliyini təsdiq edən sənədin (elektron sistemdən çıxarış) notarial qaydada təsdiq edilmiş surəti.

6.   Müharibə veteranları:

—   Azərbaycan Respublikasının ərazi bütövlüyü uğrunda döyüş əməliyyatlarında iştirak etdiyinə görə verilmiş “Müharibə veteranı” vəsiqəsinin notarial qaydada təsdiq olunmuş sürəti;

—      Şəxsiyyət vəsiqəsinin surəti.

Daha ətraflı məlumat üçün:

BMU  Magistratura və doktorantura şöbəsi

E-poçt: magistratura@beu.edu.az

Tel: +994 (12) 349 99 66/67 (1109)

Onu da bildiririk ki, ödənişli əsaslarla qəbul olunan namizədlər aşağıdakı ardıcıllıqla istənilən Kapital Bank filialının ödəmə terminalından ödəniş edə bilər.

Ödəmə ardıcıllığı:

1. Kapital Bank – bank xidmətini seçin

2. Cari hesabın artırılması

3. Hüquqi şəxslər

4. FİN kod və universitet vöeni daxil edin (3102154051)

5. Abşeron rayon filialı

6. Hesab nömrəsi – 38060019440157959123 (ilk hesab) AZN

7. Digər əsas

8. Təyinat: Soyad, ad, ata adı

9. Nağd ödəniş

Magistratura və doktorantura şöbəsi